Popular Bible Verses from Romanos 5

Share

Jesucristumi itsanqa jutsayuq kaykaptintsipis noqantsi rayku wanurqan. Tsaynöpami Tayta Dios musyatsimantsi kuyamashqantsita.

Shuntakamänantsipaq kashqantaqa manami manakaqlapaqtsu shuyaraykantsi. Tayta Dios tsayta musyatsimantsi qomashqantsi Espíritu Santuwanmi. Espíritu Santumi shonquntsicho musyatsimantsi Tayta Dios rasunpa kuyamashqantsita.

Tsaynöpis kushikuntsi imano nakarpis payman yärakunantsipaq Tayta Dios tantiyatsimashqantsita musyarmi. Yärakunantsipaq tantiyatsimaptintsimi yachakuntsi Tayta Dios munashqanno kawanantsipaq. Pay munashqanno kawarmi musyantsi gloriaman shuntakamänantsipaq kashqanta.

Señornintsi Jesucristuman yärakur perdonashqa karmi Tayta Dioswan alina kawaykantsi. Jesucristuman yärakuptintsimi Tayta Dios kuyapämashpantsi perdonamantsi. Tsaymi kushikuntsi gloriaman pushamänantsipaq kashqanta musyar.

Salvakuyta mana kamäpakuptintsimi Tayta Dios destinashqan junaq chayamuptin noqantsi rayku Jesucristo wanurqan.

Jesucristo yawarninta jichashqanpita Tayta Dios perdonaykämashpantsiqa ¿manatsuraq castïgunpita salvamäshun?

Tsaymi juk runala Tayta Diosta mana cäsukushqanpita lapan runakuna jutsata rurapäkun. Tsaynölami juk runala Tayta Diosta cäsukushqanpita atska runakunata jutsaynaqtana Tayta Dios chaskinqa.

Tsaypis manami tsaylatsu, sinöqa Señornintsi Jesucristo wanushqanpita perdonashqana karmi Tayta Diosta kushishqa alabaykantsi.