Popular Bible Verses from Romanos 12

Share

Wakin runakuna jutsata ruraptinpis qamkunaqa jutsata ama rurapäkuytsu. Yarpaynikikunapis nawpata kashqannöqa ama katsuntsu, sinöqa Tayta Dios munashqannöna katsun. Tsayno kawarmi tantiyapäkunki pay munashqanno kawayqa kushikuypaq kashqanta.

Wawqi panikuna, qamkunatami ruwakü Tayta Diospa makinman kawaynikita kachaykunaykipaq. Pay kuyapaykäshuptikiqa kawaykaq santu sacrificiu kaykulay. Tsayno karmi Tayta Dios munashqanno rasunpa sirvipäkunki.

Tayta Diosta shuyäkur kushi kushila kawakäriy. Imano nakarpis payman yärakäriy. Imaypis payta manakäriy.

Runakuna lutanta ruraptinpis qamkunaqa alilata rurapäkuy.

Ayluykiwan kuyanakushqaykino kuyanakäriy. Tsaynöpis jukniki jukniki respitanakäriy. Kikilaykikuna ali kawanaykipaq yarpachakärinaykipa trukanqa wakinkunapis ali kawananpaq yarpachakäriy.

Janan shonqula kuyanakunaykipa trukanqa lapan shonquykiwan kuyanakäriy. Lutankunata ruranaykipaqqa ama yarpaylapis yarpaytsu. Tsaypa trukanqa alilata rurar kawapäkuy.

Imaykanöpapis lapan runakunawan ali kawapäkuy.

Kuyay wawqi panikuna, runakuna chikishuptikipis ama vengakäriytsu. Tsaypa trukanqa Tayta Dios juzgananpaq paypa makinman kachaykuy. Tayta Diospa palabranchöpis kaynömi qelqaraykan: <<Lutanta rurashqanpita kikïmi juzgashaq>>.

Ama qela kapäkuytsu, sinöqa kushi kushila Tayta Diosta sirvipäkuy.

Kuyapämarmi Tayta Dios wilakuqnin kanäpaq churamashqa. Tsaymi lapaykita kayno nï: Ama yarpapäkuytsu wakin runakunapita mas väliq kashqaykita. Payman yärakunantsipaq Tayta Dios yanapaykämaptintsiqa tantiyakushun lapantsi välishqantsita.

Chikipäkushuptikipis ama chikipäkuytsu. Tsaypa trukanqa pïmaypis rikakunanpaq alilata rurar kawapäkuy.

Jukniki juknikipis ali kawapäkuy. Runa tukunaykipa trukanqa humildi kaqkunawanpis kuyanakur kawapäkuy. Ama yachaq tukäriytsu.

Mastapis kaynömi niykan: <<Chikishuqniki yarqanaptinqa mikuyta qaraykuy. Yakunaptinqa yakuta makyaykuy. Tsayno ruraptikimi pasaypa penqakunqapaq>>.

Chikishuqnikipa wasanta ama rimapäkuytsu. Tsaypa trukanqa Tayta Diosta manakäriy yanapananpaq. Kushishqa kaqkunawan kushikäriy. Waqaqkunawan waqapäkuy.

Jesucristuman yärakuq mayiki nisidächo kaptinqa yanapay. Wayikiman chayamuptinpis patsatsiy.

Cuerpuntsicho atska partintsikuna karpis juk cuerpulami kaykan. Tsayno karpis manami tsay ruraylatatsu ruran. Tsaynölami Jesucristuta chaskikuqkuna atskaq karpis juknintsi juknintsipis juk cuerpunöla kaykantsi.