Popular Bible Verses from Mateo 24

Share

Maytsaychöpis jutsata rurar kawarmi mana kuyanakunqanatsu. Tsayno kaptinpis wanunanyaq yärakamaqkunaqa salvashqami kanqa.

Tayta Dios mandaykashqanpa ali wilakuyninta maytsay nacionkunachöpis wilakuptinraqmi kay patsa ushakanqa.

Guërra kaptinpis y guërra kananpaq kashqanta mayarpis ama mantsakäriytsu. Puntataqa tsaykunaraqmi kanqa. Tsayno kaptinpis kay patsaqa manaraqmi ushakanqaraqtsu.

Juk nacionmi juk nacionwan guërrata ruranqa y juk marka runakunami juk marka runakunawan wanutsinakunqa. Tsaynölami [pestipis,] muchuypis y terremötupis maytsaycho kanqa. Tsay nakaykunaqa kanqa qalaykunalanraqmi.

Jana patsa y kay patsa ushakaptinpis noqa nishqäkunaqa manami ushakanqatsu.

Atskaqmi jutïcho shamunqa <noqami Cristo kä> nir. Tsayno nirmi atska runakunata engañapäkunqa.

<<Tsay witsanmi nakatsipäkushunkipaq y wanutsipäkushunkipaq. Noqaman yärakamashqaykipitami pïmaypis chikipäkushunkipaq. Tsayno nakarmi yärakamashqanpita qepaman atskaq kutikärinqa. Paykunami qepaman mana kutiqkunata chikir autoridäkunaman juknintapis juknintapis apatsipäkunqa. Lula profëtakunapis atskaq yurimushpanmi lutanta yachatsir atskaq runakunata criyitsipäkunqa.

Tsayno niptinmi Jesús kayno nirqan: <<Paqta pipis lulapaykäshunkiman.

Tsaynöla qamkunapis kamarikushqala karkaykay. Mana musyashqayki hörami elaqpita Runapa Tsurin shamunqa.

Tsaymi kamarikushqalana karkaykanki. Manami musyapäkunkitsu imay junaq Señorniki kutimunanpaq kashqantapis.

<<Runapa Tsurin imay junaq imay höra kutimunanpaq kashqanta manami runapis ni angilpis [ni Diospa Tsurinpis] musyantsu. Tsaytaqa Taytalämi musyaykan.

Tsay witsanmi Cristo tukuqkuna y lula profëtakunapis yurimunqa. Runakunata criyitsinan kashqami espantaypaq milagrukunatapis ruranqa. Tsayno rurarmi Tayta Dios akrashqan runakunatapis engañayta munapäkunqa.

<<Noé kawashqan witsan runakuna kawashqannömi Runapa Tsurin shamunan witsanpis kawarkaykanqa. Diluviu manaraq kaptin arcaman Noé yaykushqan junaqyaqmi runakuna mikur, upyar y casarar karkaykarqan. Tsayno kaykaptinmi diluviu elaqpita shamuptin lapanpis shenqaypa wanur ushakarqan. Tsaynölami mana musyashqan höra Runapa Tsurinpis elaqpita shamunqa.