Popular Bible Verses from Mateo 19

Share

Tsawraqa paykunata rikärishpan Jesús kayno nirqan: <<Runakuna salvakunanpaqqa aläpa sasami kaykan. Tayta Diospaqmi itsanqa imapis sasatsu kaykan>>.

Tsayno niykaptinqa manami ishkaqnatsu kaykan, sinöqa juklaylanönami. Tsaymi Tayta Dios juklatsashqantaqa pipis mana rakinmantsu>>.

Tsayno tapuptinmi Jesús kayno nirqan: <<¿Manaku liyipäkushqanki Tayta Diospa palabranta? Tsaychömi niykan olqutapis warmitapis Tayta Dios kamashqanta. Tsayno kamarkurmi Tayta Dios kayno nirqan: <Runaqa mamanpa y taytanpa makinpita yarqukun warminwan mana rakikaypa tänanpaqmi. Ishkaq karpis juklaylanömi kanqa>.

Tsawraqa discïpulunkunata Jesús kayno nirqan: <<Wamrakunata apakamunanta ama michäpäkuytsu. Wamrano kaqkunapaqmi Tayta Dios mandaykashqan kaykan>>.

Atskaqmi respitashqa kaykaqkuna manakaqman churashqa kanqa. Manakaqman churashqa kaqkunanami respitashqa kanqa>>.

<<Noqa rayku pipis wayinta, wawqinkunata, paninkunata, mamanta, taytanta, [warminta,] tsurinkunata y chakrankunatapis kachariq kaqqa pachak (100) kuti mastami chaskinqa. Tsaynöpis mana ushakaq kawaytami tarinqa.

Niptinmi Jesús kayno nirqan: <<Tayta Dios munashqanno kayta munarqa lapan imaykaykikunatapis rantikuykur tsay qellayta waktsakunata qoykuy. Tsayno ruraptikiqa jana patsachömi riquëzayki kanqa. Nirkur qatirämay>>.

Tsawraqa Jesús kayno nirqan: <<¿Imanirtaq ali ruraypaq tapumanki? Juklaylami ali ruraqqa. Mana ushakaq kawayta tariyta munarqa paypa mandamientunkunata cäsukuy>>.

Yapaymi qamkunata kayno nï: Rïcu runa Tayta Dios mandaykashqanman yaykushqanpitaqa mas raslami camëllupis awjapa uchkunpa ushturinman>>.

Tsayno kaptinpis qamkunata kaynömi nï: Mayqan runapis warmin mana jarukuykaptin juk warmiwan tarqa adulteriu jutsatami ruraykan. [Tsaynölami runanpita rakikashqa warmiwan taq runapis adulteriu jutsata ruraykan]>>.

Tsawraqa discïpulunkunata Jesús kayno nirqan: <<Rasunpami kayno nï: ¡Sasami kaykan rïcu runakuna Tayta Dios mandaykashqanman yaykapäkunanpaq!