Popular Bible Verses from Josué 10

Share

Josué tsayno manakuptinmi intipis y killapis mana kuyukurqantsu contran runakunata Israel runakuna wanutsir ushakätsishqanyaq. Jaser libruchöpis tsayno pasashqanmi qelqaraykan. Pulan ciëluchömi cäsi juk junaq qoyayta inti takyararqan.

Amorreo runakunata ushakätsinanpaq TAYTA DIOS yanapashqan junaqmi lapan Israel runakunapa nawpancho TAYTA DIOSTA manakur Josué kayno nirqan: <<Gabaón marka janancho intita takyakätsiy. Tsaynöpis Ajalón pampa janancho killata takyakätsiy>>.

Tsay junaq intita takyatsishqannöqa manami pï runa manakuptinpis TAYTA DIOS takyatsishqatsu. Tsay junaqmi Israel runakunata TAYTA DIOS yanaparqan contrankunata ushakätsinanpaq.

Aywapäkuptinmi Josuéta TAYTA DIOS kayno nirqan: <<Gabaón markata atacaq runakunata ama mantsakuytsu. Ichipänaykipaq yanapaptï manami mayqanpis ichipäshunkipaqtsu>>.

Nirkurmi Josué kayno nirqan: <<TAYTA DIOS kanan junaq ushakätsishqannölami lapan contrantsikunata ushakätsinqapaq. Tsayno kaykaptinqa pitapis ama mantsakäriytsu>>.