Popular Bible Verses from Jueces 6

Share

Tsaycho wayraykaptinmi TAYTA DIOSPA angilnin yuriparkur kayno nirqan: <<Kalpayuq y geniuyuq runa, TAYTA DIOSMI qamta yanapaykäshunki>>.

Tsawraqa Gedeónta rikärir TAYTA DIOS kayno nirqan: <<Qamqa madianita runakunata ichipankimi. Paykunapa makincho kashqanpita Israel runakunata jorqunaykipaq kikïmi qamta kachaykä>>.

Tsawraqa TAYTA DIOS kayno nirqan: <<Tsayno kaptinpis madianita runakunata juk runatanöla lapanta ushakätsinaykipaq kikïmi qamta yanapashayki>>.

Tsayno niptinmi Gedeón kayno nirqan: <<Ay, tayta. TAYTA DIOS yanapaykämaptinqa ¿imanirtaq kayno nakarkaykä? Unay aylükuna nipäkurqan Egiptupita Israel runakunata jorqapäkamushqantami. Kananqa ¿imanirtaq noqakunata tsayno mana yanapamantsu? Yanapamänanpa trukanqa TAYTA DIOS qonqaykamarmi madianita runakunapa munayninman kachaykamashqa>>.

Tsayno niptinmi Gedeón kayno nirqan: <<Ay, tayta. ¿Imanöpataq Israel runakunata salväman? Manasés trïbu runakunacho noqapa aylüqa waktsami kaykan. Tsaynöpis noqaqa alqu wiruqlanpaqpis manami välïtsu>>.

Tsaypita juk kutimi TAYTA DIOSPA angilnin Ofracho kaykaq encina yöra sikincho jamaykurqan. Tsay yöraqa Abiezer aylupita miraq Joáspa chakranchömi karqan. Tsaychömi madianita runakuna mana rikananpaq Joáspa tsurin Gedeónqa üvata jarukunan kaqcho trïguta pakaylapa wayraykarqan.

Tsawraqa TAYTA DIOSPAQ altarta Gedeón rurarkur jutinta churaparqan Yahweh-shalom jutin kananpaq. Tsay altarqa kananyaqmi Abiezer aylu runakuna tashqan Ofracho kaykan.

TAYTA DIOS tsayno niptinmi Gedeón kayno nirqan: <<Rasunpa yanapamänaykipaq kashqanta musyanäpaq ima milagrulatapis ruraykulay.

Niptin TAYTA DIOS kayno nirqan: <<Ama lakikuytsu ni mantsakaytsu. Manami wanunkipaqtsu>>.

Israel runakunaqa yapaymi TAYTA DIOSTA mana cäsukur juk dioskunata adorayta qalaykurqan. Tsaymi paykunata madianita runakunapa munayninman TAYTA DIOS kachaykurqan qanchis wata nakatsipäkunanpaq.