Popular Bible Verses from Deuteronomio 30

Share

<<Bendicionta chaskir ali kawapäkunaykipaq kaqta o maldicionashqa kar mana ali kawapäkunaykipaq kaqta kanan junaq akrapäkuy. Kanan akrapäkushqaykitaqa jana patsapis y kay patsapis testïgumi kaykan. Tsayno kaykaptinqa qamkuna y qamkunapita miraqkunapis ali kawapäkunaykipaq kaqta akrapäkuy. TAYTA DIOSTA kuyar pay nishqankunata cäsukäriy. Payta cäsukurqa alimi kawapäkunkipaq. Tsaynöpami Abrahamta, Isaacta y Jacobta promitishqan nacioncho tashpayki atska wata kawapäkunkipaq>>.

Kanan junaqmi qamkunata niykä TAYTA DIOSTA kuyar y munashqanno kawar lapan mandamientunkunata, estatütunkunata y yachatsikuyninkunata cäsukur kawapäkunaykipaq. Tsayno kawarqa TAYTA DIOS qoykushunaykipaq kaykaq nacionman yaykuptiki bendicionnintami churamunqa atskaman mirapäkunaykipaq y ali kawapäkunaykipaq.

<<Qamkunata tantiyatsishqänami ali kawapäkunaykipaq kaqta y mana ali kawapäkunaykipaq kaqtapis. Kanan shumaq yarpachakäriy mayqantapis akrapäkunaykipaq.

Tsaypa trukanqa Tayta Diospa wilakuyninta cumplipäkunaykipaq shimikicho y shonquykichömi kaykan.

<<Tsaychömi shonquykita y tsurikikunapa shonqunta TAYTA DIOS señalanqa lapan shonquykiwan y lapan voluntänikiwan paylatana kuyashpayki ali kawapäkunaykipaq.

<<Tsawraqa tsurikikunaman, uywaykikunaman, chakraykikunaman y lapan arushqaykikunamanpis TAYTA DIOSMI bendicionninta churamunqa. Unay ayluntsikunata yanapar kushikushqannölami qamkunata yanapashushpaykipis kushikunqapaq.

<<Kanan tantiyatsishqäkunata mana cumplir wakin dioskunata adorar qonqurpakuptikiqa kuyapaypaqmi ushakankipaq. Jordán mayuta tsimparkur posisionta chaskirpis manami atska wata tsaycho tankipaqtsu.

<<Kanan junaq tantiyatsishqä mandamientukunaqa manami aläpa sasatsu kaykan tantiyapäkunaykipaq ni cumplipäkunaykipaqpis.

Tsayno kaykaptinqa ama kayno nipäkunkitsu: <¿Piraq jana patsaman witsarkur apamunqa wilapämaptintsi cumplinantsipaq?>

Tsaynöpis ama kayno nipäkuytsu: <¿Piraq lamarpa jukaq kuchunman aywarkur apamunqa wilapämaptintsi cumplinantsipaq?>