Popular Bible Verses from Deuteronomio 28

Share

<<Kanan junaq tantiyaykätsishqä mandamientukunata cumplir TAYTA DIOSTA wiyakuptikiqa maytsay nacioncho taq runakunata yanapashqanpitapis masmi yanapashunkipaq.

Tsaynöpis nishushqaykikunata wiyakuptikiqa TAYTA DIOSMI bendicionninta imaypis qamkunaman churamunqapaq.

<<Mandamientunkunata kanan junaq tantiyatsishqäta chaskikur cumpliptikiqa wakin runakunata yanapashqanpita masmi qamkunataqa TAYTA DIOS yanapashunkipaq.

Mikuyniki ali wayunanpaqmi tiempulancho tamyatsimunqa. Lapan arushqaykikunamanpis bendicionnintami churamunqa. Tsaynöpami juk lädu nacionpita imatapis mana prestakamunkipaqnatsu, sinöqa paykunata prestanaykipaqpis kanqapaqmi.

<<Contraykikunata vincinaykipaqpis TAYTA DIOSMI yanapashunkipaq. Tsaymi atacashunaykipaq juk nänipa shamurpis qanchis nänipa mashtaypa mashtar qeshpikärinqapaq.

<<Qoykushunaykipaq kaykaq nacionman chayaptiki pirwaykikunamanpis y lapan arushqaykikunamanpis TAYTA DIOSMI bendicionninta churamunqa.

Wayikicho kaptikipis o maypa aywaptikipis bendicionninta churamunqami.

<<Markacho kaptikipis o chakracho kaptikipis bendicionninta churamunqami.

Tsurikikunamanpis y mikuynikikunamanpis bendicionninta churamunqami. Wäkaykikunamanpis, uyshaykikunamanpis, cabraykikunamanpis y wakin uywaykikunamanpis bendicionninta churamunqami.

<<Mandamientunkunata cumplir pay munashqanno kawaptikiqa promitishushqaykinölami TAYTA DIOS kuyashqan santu runakuna imaypis kankipaq.

Canastaykikuna tsukuy tsukuy kananpaqpis y artësaykikuna pütsiy pütsiy kananpaqpis bendicionninta churamunqami.

<<Unay ayluntsikunata promitishqan nacionman chayaptiki TAYTA DIOSMI bendicionninta churamunqa imaykaykikuna atska kananpaq, tsurikikuna atska kananpaq, chakraykikuna ali wayunanpaq y uywaykikunapis atskaman mirananpaq.

Pay kuyashqan runakuna kashqaykita musyarmi maytsay nacioncho taq runakunapis mantsakärishunkipaq.

Kanan junaq tantiyatsishqä mandamientukunata mana qonqaypa cumplishpayki juk dioskunata ama adorapäkunkitsu ni respitapäkunkitsu.

<<TAYTA DIOSTA mana cäsukur kanan junaq tantiyatsishqä mandamientunkunata y estatütunkunata mana cumpliptikiqa maldicionmi chayashunkipaq.