Popular Bible Verses from Daniel 7

Share

Tsay Awkinmi payta churarqan lapanta mandananpaq, lapanpaq munayniyuq kananpaq y lapanpita respitashqa kananpaq. Tsaymi may markapita karpis, maytsay nacionpita karpis y ima idiömata rimarpis payta sirvipäkurqan. Pay mandaykashqanqa imayyaqpis mana ushakaqmi kanqa. Munayniyuq kashqantaqa manami pipis qechunqatsu ni pipis ushakätsinqatsu.

<<Tsay tsakaymi revelacioncho rikarqä runapa tsurinno jana patsapita pukutay janancho aywaykämuqta. Paytami imaypis kawaq Awkinpa nawpanman pushapäkurqan.

Tsaypitanami munayniyuq Tayta Diosman yärakuqkuna kay patsacho lapan mandaqpitapis mas mandaq kapäkunqa. Tsaynölami munayniyuqpitapis mas munayniyuq kapäkunqa y respitashqa runapitapis mas respitashqa kapäkunqa. Tayta Dios mandaykashqan imaypis mana ushakaq kaptinmi kay patsacho lapan nacionkuna payta sirvipäkunqa>.

Tsaypitanami munayniyuq Tayta Diosman yärakuqkuna pay mandaykashqanta chaskipäkunqa. Tsay mandashqanchömi paykuna kanqa imayyaqpis mana ushakaypa>.