Popular Bible Verses from Daniel 5

Share

Tsaymi jana patsacho kaykaq Tayta Diosta rabyanätsir templuncho manijashqan väsukunata jorqatsimushqanki. Tsaykunawanmi vïnuta upyashqanki kikikipis, mandäshishuqnikikunapis, warmikikunapis y concubïnaykikunapis. Nirkurmi alabashqanki qoripita, qellaypita, broncipita, fiërrupita, qerupita y rumipita rurashqa dioskunata. Tsay dioskunaqa manami rikantsu ni mayantsu ni imatapis musyantsu. Munayniyuq Tayta Diostami itsanqa mana alabashqankitsu. Payta rabyanätsishqanki paypita lapanta chaskiykarpis. Paymi rey kanaykipaqpis churashushqanki.

Tsay qelqatsishqancho kaynömi niykan: <Yupashqa, yupashqa, pësashqa, rakishqa>. <Yupashqa> niykan mandaq kashqayki junaqkuna yupashqala kaptinmi. Tsay junaqkuna tsaylachöna ushakänanpaqmi Tayta Dios nishqa. <Pësashqa> niykan Tayta Dios balanzacho pësashuptiki pësuyki pasaypa pishiptinmi. <Rakishqa> niykan mandashayki nacionta rakirkur Media y Persia runakunapa makinman churashunaykipaq destinashqa kaptinmi>>.