Popular Bible Verses from Daniel 3

Share

Tsayno niptinmi Sadrac, Mesac y Abed-nego Nabucodonosorta kayno nirqan: <<Tayta rey, tsaypitaqa imatapis ama rimakushuntsu. Waylashqa hornuman qaykamaptikipis sirvishqä Tayta Diosnïmi tsay hornupita y qampa makikipitapis salvamanqa. Mana salvamaptinpis noqakunaqa manami diosnikikunata sirvipäkushaqtsu ni tsay ruratsishqayki monumentutapis adorapäkushaqtsu>>.

Tsaymi kayno nirqan: <<¡Hornu rurincho chusku runakuna kachayla mana rupakuypa puriykaqtami rikaykä! ¡Paykunawan kaykaq runaqa juk dios niraqmi kaykan!>>

Tsaymi Nabucodonosor kayno nirqan: <<Sadrac, Mesac y Abed-nego adorashqan Dios alabashqa kaykulätsun. Paymi angilninta kachamushqa salvananpaq. Diosninman yärakurmi noqa ordenashqätapis mana cäsukärishqatsu. Paykunaqa juk dioskunata adorananpa trukan wanunanpaqpis listumi kashqa.

Manami ima diospis tsaynöqa salvantsu. Pï runatapis Sadrac, Mesac y Abed-nego adorashqan Diospa contran rimaq kaqtaqa ichik ichikla kutsupäkutsun. Wayinkunatapis rupatsipäkutsun. Tsayno katsun may nacionpita kaptinpis y ima idiömata rimaptinpis>>.