Timoteo, shumaq tantiyakuy ultimu tiempucho runakuna aläpa nakananpaq kashqanta. Tsaymi runakuna kanqa kikilanpaq imatapis munaq, qellaylapaq wanuq, runa tukuq, Tayta Diospa contran parlaq, mamanta y taytanta mana cäsukuq, mana agradëcikuq y Tayta Diospa palabranta manakaqman churaq. Manami kuyakuynin ni kuyapäkuyninpis kanqatsu. Tsaynöpis kanqa tumpakuq, mana tantiyakuypa imatapis lutala ruraq, runa mayinta chikiq y ali ruraqkunapa contran sharkuq. Tsaynöpis kanqa traicionëru, mana yarpachakuypa imatapis ruraq y pasaypa yachaq tukuq. Tayta Dios munashqanta rurananpa trukanqa shonqun munashqalantami rurapäkunqa. Runakuna rikanalanpaqmi Tayta Diosman yärakuq tukärinqa. Tsayno karpis jutsata rurarmi kawapäkunqa. Tsayno kawaq runakunawanqa ama juntakaytsu.