Popular Bible Verses from 2 Corintios 1

Share

¡Señor Jesucristupa Papänin Tayta Dios alabashqa kaykulätsun! Paymi kuyapämantsi y imaypis shakyätsimantsi. Ima nakaycho kaptintsipis shakyätsimantsi noqantsipis yärakuq mayintsikuna nakaptin shakyätsinantsipaq. Tsaymi Tayta Dios shakyätsimashqantsino wakinkunatapis shakyätsintsi.

Noqakunatapis Jesucristuman yärakärishqäpita runakuna nakatsimaptin Jesucristuwanmi Tayta Dios shakyaykätsiman mana ajayaypa payman yärakärinäpaq.

Wanutsimänanpaq kashqanta yarparmi tantiyakärirqä kikiläkunapitaqa imatapis mana kamäpakushqäta. Tsaynöpami yachakärirqä wanuqkunata kawaritsimuq Tayta Diosman mas yärakuyta.

Payta sirvinantsipaq churamashpantsi Jesucristuman mana ajayaypa yärakunantsipaqmi yanapamantsi. Tsaynöpis shonquntsicho kananpaq Espíritu Santuta kachamurmi paylapana kanantsipaq sëllamashqantsi. Espíritu Santuta chaskikurmi musyantsi Tayta Dios lapan promitimashqantsita cumplinanpaq kashqanta.

Tsayno shakyätsimaptinmi shumaq tantiyapäkü qamkunatapis shakyätsinäpaq kashqanta. Tsaynöpami nakaptïpis salvacionta chaskikur kushikärinki. Tsaymi noqakuna nakashqäno nakarpis Tayta Diosman mana ajayaypa yärakärinki.