Popular Bible Verses from 1 Samuel 17

Share

Tsayno niptinmi David kayno nirqan: <<Qamqa espädaykiman y lanzaykiman yärakurmi wanutsimayta yarpaykanki. Noqami itsanqa Israel soldädukunapa mandaqnin munayniyuq TAYTA DIOSMAN yärakur shamushqä. Paytami manakaqman churashqanki.

Tsaynöpis kaycho juntakashqa kaykaq runakuna musyapäkunqa espädaynaqla y lanzaynaqla TAYTA DIOS yanapamaptin vincishqäta. TAYTA DIOSMI noqakunapa favornï kaykan. Paymi qamkunata ushakätsinäpaq makïman churamushushqanki>>.

Leonpitapis ösupitapis TAYTA DIOS salvamashqannölami taqay filisteo runapitapis salvamanqa>>. Tsawraqa Saúl kayno nirqan: <<Tsayno kaptinqa ayway ari, hïju. TAYTA DIOS yanapaykuläshunki taqay runata wanutsinaykipaq>>.

Kananmi makïman TAYTA DIOS churamushushqanki wanurkatsir kunkaykita roqunäpaq. Tsaynölami soldädu mayikikunapa ayankunapis jitaranqa wiskulkuna y munti uywakuna mikunanpaq. Tsaynöpami maytsaychöpis runakuna musyapäkunqa Israel runakunata yanapaq Tayta Dios lapanpaq munayniyuq kashqanta.

Nirkurnami raqrapita pitsqa qollushkunata bolsanman winakurkur garrutinta y warakanta aptakurkur Goliatwan pelyananpaq aywarqan.

Tsaymi Saúl kaqman aywaykur David kayno nirqan: <<Pipis taqay filisteo runata ama mantsakutsuntsu. Noqami paywan pelyanäpaq aywashaq, tayta>>.