Popular Bible Verses from GA SHAGAWP 19

Share

Masha a myit gaw, lam amyu myu maw timung, Yehowa a maw ai lam agrin nga na ra ai.

Matsan mayan wa hpe matsan dum ai wa gaw, Yehowa hpe hkoi ya ai rai nna, Shi galaw ai hte maren bai hkam la na ra ai.

Sadi sahka re ai wa gaw, myit galu kaba nga ai rai nna, Masha wa shut ai hpe, hkam mana ai gaw, shi a arawng rai nga ai.

Nang gaw htawm hpang de hpaji rawng ai wa tai na matu, Hpaji daw ai ga madat la u, sharin shaga ai ga hta la u.

Yehowa hpe hkrit kamyin ai myit gaw, asak lam rai nga ai; Dai myit rawng ai wa gaw apyaw sha nga lu na ra ai; Shi gaw aru ara hkrum na ra ai, n rai.

Hpaji lu ai wa gaw, tinang myit masin hpe tsawra nga ai; Nyan hpe manoi ai wa gaw, mai kaja ai hpe hkam la na ra ai.

Myit mada shara naw nga yang, tinang kasha hpe sharin u; Shi akyu hten hkra, matsan hkum dum et.

Masu ai sakse gaw mara n kap na, n rai; Masu ga tsun ai wa gaw hten byak hkrum na ra ai.