Popular Bible Verses from YAWSHU 1

Share

Nang hpe ngai hkang sade ai, n rai ni? n-gun da ting nna myit nden shaja u; hkum hkrit et, myit hkum hten et: kaning rai nme law, nang sa wa ai lam magup hta na a Karai Kasang Yehowa rau rai nga ai,” ngu nna tsun wu ai.”

Ndai tara laika hpe na nten hta na dawm mai na n rai; dai hta ka da mada mahkra nang hkan nang lu n ga, dai hpe shani shana hti aru yu nga u; dai rai jang, nang maw ai lam byin lu nna, nang myit ai kaw du na ra ai.

Dai rai nna, nye a shangun kasa Mawshe nang hpe tara hkang da ai hte maren hkan nang lu hkra, n-gun da ting nna, myit nden ja ja shaja u; nang galaw ai lam magup hta myit ai kaw du hkra, dai tara lam hta hkan nang nga u; hkra de pai de hkum yit et.

Nang naw hkrung nga dingsa nang hpe kadai daw lu na n rai: Mawshe hte rau ngai nga nga ai zawn, nang hte rau ngai nga nga na ring ngai; ngai nang hpe kau da na n rai, nang hpe kau rap rai na n rai.

“N-gun da ting u, myit nden shaja u kaji kawa ni e jaw na ngu nna shanhte hpe dagam da ai mungdan, ndai masha ni hpe madu sha shangun na rai ndai.

Mawshe hpe ngai ndat da ai hte maren, nang hte kabye du madu, ngai nanhte hpe jaw made ga.

Nye a shangun kasa Mawshe si mat sai; dai rai nna rawt u, nang hte nang kaw na ndai masha nlang hte hte, dai Yawdan hka rap mu; Israela kashu kasha ni hpe ngai jaw ai mungdan de shang wa mu.

Yehowa a shangun kasa Mawshe si mat ai hpang e, Yehowa gaw Mawshe a hkringmang Nun a kasha Yawshu hpe

Nam mali hte wora Lebanon bum garet nna, hka nu kaba ngu ai Uhprat hka htep, Hiti mung ting hte Jan shang maga Nammukdara kaba du hkra nanhte a lamu ga jarit rai na ra ai.

Na a mungga hpe tawt nna hkang da mada hpe n madat ai wa kadai rai timung sat kau ai hkrum lu na rai nga ai: dai rai nna n-gun da ting u, myit nden shaja u,” ngu nna Yawshu hpe htan mu ai.

“Dai dap ting de ga sa wa nna, nanhte a Karai Kasang Yehowa nanhte hpe madu sha shangun ai mungdan de shang wa na matu, ya masum ya e ndai Yawdan hka rap na re ai majaw sha jarit jahting magang na lam amyu masha ni hpe tsun masu,” ngu mu ai.