Popular Bible Verses from YAWHAN 21

Share

Ya shanhte jahpawt shat sha ngut jang, Yesu gaw Simun Petru hpe, “Yawhan a kasha Simun e, ndai ni tsawra ai hta, nang ngai hpe grau tsawra nni?” ngu nna san wu ai. Shi gaw, “Rai sa, Madu e, ngai nang hpe tsawra nga nngai gaw, nang chye nga ndai,” ngu nna htan wu ai. Shaloi Yesu gaw, “Nye a sagu kasha ni hpe bau nga u,” ngu nna shi hpe tsun wu ai. Bai lahkawng lang, “Yawhan a kasha Simun e, nang ngai hpe tsawra nga nni?” ngu nna shi hpe san wu ai. Shi gaw, “Rai sa, Madu e, ngai nang hpe tsawra nga nngai gaw, nang chye nga ndai,” ngu nna bai htan wu ai. Yesu gaw, “Nye a sagu ni hpe rem nga u,” ngu wu ai. Bai masum lang, “Yawhan a kasha Simun e, nang ngai hpe tsawra nga nni?” ngu nna san wu ai. Masum lang du hkra, Nang ngai hpe tsawra nga nni? nga nna shi hpe san wu ai majaw Petru myit yawn nna, “Madu e, nang gaw yawng mayawng hpe chye nga ndai; ngai nang hpe tsawra nga nngai gaw, nang chye nga ndai,” ngu nna, htan wu ai. Yesu gaw, “Nye a sagu ni hpe bau nga u.

Nang hpe ngai gaja wa teng teng tsun de ga, Nang shabrang nga ai hte yang, na a hkum hpe nang dai shingkyit kyit nna, sa mayu ai shara shagu de sa lu ndai: rai timung, nang dingla jang chyawm gaw, na a lata yan hpe nang lalam nna, masha kaga gaw nang hpe kyit ya nhtawm, nang n ra ai shara de woi sa wa na rin dai,” ngu nna shi hpe tsun wu ai.

Shaloi shi gaw, “Dai li a hkra maga de sumgawn jahkrat mu, shaloi lu na myit dai,” ngu nna shanhte hpe tsun mu ai. Dai hte maren shanhte jahkrat nna, nga law law wa magawn la lu ai majaw, sumgawn pyi n gang lu mu ai.

Shaloi Simun Petru gaw, “Ngai nga sa hkan ni ga,” ngu nna shanhte hpe tsun wu ai. Shanhte gaw, “Anhte mung hkan sa na ga ai,” nga ma ai. Shaloi shanhte pru sa nna li hta shang ma ai: dai shana shanhte gaw langai mi muk n lu ma ai.