Popular Bible Verses from ESAIA 1

Share

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

Nanhte ga madat hkraw nga myit yang gaw, lamu ga na nsi naisi sha lu na myit dai

Kaja ai amu galaw na sharin la mu; dinghpring ai hpe hkan shachyut mu; nni nkri hkrum ai ni hpe karum mu; chyahkrai ma ni a mata tengman ai hku jeyang mu: gaida gaina ni hpe tau mu.

Shing n rai, nyet kau let gumlau myit yang gaw, ri nhtu hte si na myit dai,” nga nna Yehowa n-gup nan tsun nga ai.

Tinang hkum kashin kau mu; tinang dai jasan jaseng mu; nanhte a n hkru ai amu hpe, nye a myi man kaw na yeng seng kau mu; n shawp ai arawn alai kau da mu.

Nanhte lata ladawn yang, ngai myi man makoi mat na nngai; gaja wa, nanhte akroi anoi akyu hpyi timung, ngai n madat na nngai: nanhte a lata sai hte hpring nga ai.

Kaman lila shagu hkungga hpe hkum jaw kahtap myit; manam pyaw ai kumhpa hpe ngai matsat nngai: shata praw shani, laban nhtoi, shawa zuphpawng hpe, ngai n ra nngai: nawku zuphpawng let, yubak hkrai galaw ai hpe, ngai n sharang lu nngai.

Dumsu gaw tinang madu hpe chye nga ai; lawze mung tinang madu a wakang hpe dum ma ai: Israela amyu chyawm gaw, ngai hpe n chye ma ai, hpa mung n dum ma ai.

Nanhte a shata praw shani ni hte ladaw da ai poi ni hpe, ngai n dawng nngai: dai gaw ngai hpe sharu shayak ai sha rai nga ai; hkam sharang ai hte hki ba la nngai.