Popular Bible Verses from NINGPAWT NINGHPANG 39

Share

Yehowa chyawm gaw Yawsep hte rau nga nga ai rai nna, shi gaw myit kaw du ai wa rai nga ai: shi madu Egutu masha nta hta shi nga nga ai.

Shi lu malu mahkra gaw Yawsep a lata hta ap da nu ai rai nna, shi sha ai shat hta kaga, arai gale langai mi nga ai mung n chye wu ai: Yawsep chyawm gaw hkumhkrang hking nna ahpraw asam mung htap nga ai.

Dai rai nna htawng agyi wa gaw sharen da ai bawng ni yawng hpe Yawsep a lata de ap da wu ai rai nna, htawng na galaw ai bungli yawng hpe shi hpajan wu ai.

Yawsep hpe rim la nhtawm, hkawhkam sharen da ai masha ni rawng ai htawng hta shi hpe rawng da wu ai: dai rai nna Yawsep gaw htawng e bawng dung nga ai. Rai timung Yehowa gaw shi hte rau nga ai rai nna, shi hpe matsan dum wu ai hte, htawng agyi a man e myi man pa shangun wu ai.

Dai hpang shi madu a madu jan gaw Yawsep hpe ra nna, Ngai hte rau yup ga, ngu wu ai. Yawsep chyawm gaw n hkraw ai hte shi madu a madu jan hpe, Yu u, nye a madu gaw shi lu malu nye a lata hta ap da sai rai nna ndai nta e hpa nga ai mung shi n chye wu ai; ndai nta e ngai hta grau kaba ai kadai mung n nga ai; nang hta kaga hpa mung ngai hpe hkum ai n rai; nang gaw shi a madu jan she rai ndai: dai rai nna dai n hkru ai amu kaba hte Karai Kasang a man e ngai kaning rai shut hpyit lu na rai ta? ngu nna tsun wu ai.

Lani mi na gaw nta nhku de amu galaw na nga Yawsep shang wa ai rai nna, dai nta nhku e lasha langai mi mung n nga ai shaloi, dai numsha gaw, Ngai hte yup ga, nga nna shi a hpun palawng gra di dun wu ai: shi chyawm gaw shi a hpun palawng dai num a lata hta kau da nna, shinggan de hprawng pru mat wa ai.