Popular Bible Verses from NINGPAWT NINGHPANG 32

Share

Bai dai wa gaw, Na a amying hpa rai lit ta? ngu nna san wu yang, Yaku ngu ai rai li ai, ngu nna tsun dan wu ai.

Dai wa gaw shi n dang lu ai mu jang, Yaku a magyi pawt ahtawk ya wu ai rai nna, shi hte kamu nga yang, shi a magyi pawt hkrihkraw kashai mat lu ai.

Shing rai shanhte hpe woi nna, shi a sut rai nga manga hte hpe sharap dat wu ai.

Yaku mung, Na a amying gaw hpa rai lit ta? ngai hpe tsun dan e, ngu nna san wu yang, dai wa gaw, Nye amying hpa rai san n ta? nga nna, dai yang e shi hpe shaman ya wu ai.

Shaloi Yaku shi hkrai sha hti nga nna masha langai mi nhtoi htoi hkra shi hte kamu hkat nga ai.

Shaloi dai wa gaw, Nhtoi htoi wa ra ai, ngai hpe dat dat ni, ngu wu ai. Yaku gaw, Nang ngai hpe n shaman ya yang gaw, ngai nang hpe n dat dat na ngai, ngu nna htan wu ai.

Shaloi dai wa gaw, Na a amying htawm hpang de Yaku ngu lu na n rai: Israela ngu na rai lit dai: kaning rai nme law, nang gaw Karai Kasang hte mung, masha hte mung gasat hkat nna dang kau nit dai ngu wu ai.

Bai Yaku gaw, Ngai ji Abraham a Karai Kasang, ngai wa Isak a Karai Kasang, ngai hpe, Na a buga, na a baw sang ni hpang de bai wa nu, ngai nang hpe ngamu ngamai shangun na de ai, nga nna tsun ai Yehowa e

Hpeniela shara na pru wa ai shaloi jan pru sai; shi a lagaw mung yaw jan mat lu ai.

kaning rai nme law, Hpung mi hpe Esaw mu nna hpya kau yang hpung mi gaw lawt lu na nhten, ngu wu ai.

na a mayam hpe nang madun ai chyeju hte sadi sahka mahkra hta na langai mi hte muk ngai n ging nngai; shawng e ndai Yawdan hka hpe nye a dawhkrawng hte sha rap wa nngai, ya chyawm gaw ngai hpung lahkawng tai ni ai.