Popular Bible Verses from NINGPAWT NINGHPANG 26

Share

ya nang nga ai ndai mung hta anga nga u; shaloi ngai nang hte rau anga nga nna, nang hpe shaman ya na de ai: kaning rai nme law, nang hte na a amyu matu ni hpe ndai mung ting ngai jaw na made ai; na nwa Abraham hpe ngai dagam ai ga nga nga ai hte maren ngai shatup na we ai.

Na a amyu matu ni hpe lamu a shagan zawn ngai shalaw na mawe ai rai nna, na nshu nsha ni hpe ndai mung ting ngai jaw na mawe ai: na a aru arat a marang e ga ntsa na masha amyu nlang gumring gumrat re ai chyeju lu la na mara ai: kaning rai nme law, Abraham gaw nye a nsen madat ai rai nna, ngai htet da ai ga, ngai jep ai tara, ngai hpajang ai lam, ngai tawn da ai tara hkan shatsup wu ai,” ngu wu ai.

Bai dai yang na shi htawt nhtawm, hka htung kaga htu wu ai; dai hta gaw shanhte n kashun hkat masai: dai rai nna, Ya Yehowa anhte hpe nga shara dam lada jaw ma ni ai majaw, ndai mung e anhte mayat maya wa na saga ai, nga nna dai hpe Regobut ngu shamying wu ai.

Shaloi Yehowa gaw shi kaw dan pru nna, “Egutu mung de hkum sa et; ngai nang hpe madun na ra de ai mung de nga nga u

Dai yang e shi tawn hkungri galaw da nna Yehowa a mying nsang hpe shaga wu ai; dai kaw e shi a sum mung gap da wu ai: Isak a mayam ni mung dai yang e hka htung htu mu ai.