Popular Bible Verses from NINGPAWT NINGHPANG 24

Share

Shaloi shi gaw, “Nye a madu Abraham a Karai Kasang Yehowa e; nye a madu Abraham hpe chyeju madun ya na, dai ni na lam shabyin ya e.

shaloi, ‘Ngai ntsin lu n-ga na a ntsin di shayu u,’ ngu nna ngai tsun yang, ‘lu u, na a gawla-uk ni hpe mung ngai ja jaw na we ai,’ nga nna tsun pru ai mahkawn gaw, na a mayam Isak a matu nang san da ai num rai u ga: dai rai yang, nye a madu hpe nang chyeju madun ndai gaw ngai chye lu na we ai,” ngu nna hpyi wu ai.

Isak gaw kanu Sara a sum hta shi hpe jashawn la wu ai; Rebeka hpe shi la wu ai rai nna, shi gaw shi a madu jan rai nga ai: Rebeka hpe shi tsawra wu ai rai nna, Isak gaw kanu a yawn hta na bran nga ai.

Bai shanhte gaw Rebeka hpe, “Anhte a kajan kasha e; nang gaw masha mun mun sen sen ni a kanu tai wa nit ga law; na a nshu nsha ni gaw tinang hpyen ni a mare chyinghka ni hpe madu lu nga manu ga law,” ngu nna shaman ya dat mu ai.

Ngai sha a matu, ndai ngai chyu nga ai Hkanan mung na shayi sha ni hta na nang n la ya ai sha, nye a dai daw ga, nye a baw sang ni kaw nang sa wa nna ngai sha Isak a matu num sa la ya lu na lam, sumsing lamu hte ginding aga a Karai Kasang Yehowa hta ngai nang hpe dagam shangun de ga,” ngu wu ai.