Popular Bible Verses from PRU MAT 2

Share

Shanhte a madai sharung ai nsen hpe Karai Kasang na ya wu ai rai nna, Abraham, Isak, Yaku hte hte tawn da ai ga shaka hpe dum wu ai. Karai Kasang gaw Israela a kashu kasha ni hpe mada mara yu nna, Karai Kasang gaw shanhte hpe dum nga ai.

Ya nhtoi tsawmra wa na wa sayang she Egutu hkawhkam si mat ai: Israela a kashu kasha ni mung dai mayam lit a majaw, madai nna hkrap sharung ai ga gaw dai mayam lit kaw nna Karai Kasang hpang de hkrang lung wa malu ai.

Dai ma kaba wa jang, Hpara-u a shayi sha hpe sa sa ya wu ai rai nna shi a kasha tai nga ai: shi gaw dai ma hpe Mawshe ngu nna shamying wu ai: dai gaw, Hka hta na ngai shi hpe shaw la we ai, nga ai, rai lu ai.

Dai rai nna Hpara-u a shayi sha gaw, “Ma chyangai ndai la wa nna nye a matu shapan ya e; ngai nang hpe shabrai jaw na de ai,” ngu nna shangun wu ai hte maren, dai numsha gaw ma chyangai dai hpe la wa nna chyu shachyu ya wu ai.

Dai shaloi Hpara-u a shayi sha gaw hkum shin na nga hka de yu sa ai rai nna, shi a shangun num ni hka kau e garet khawm nga ma yang, dai mai-aw brap e sumpu hpe shi mu nna dai hpe sa shaw la na, shi a shangun num hpe shangun dat wu ai.

Ya Mawshe kaba wa jang, shi a amyu masha ni kaw sa wa nhtawm shanhte gun li ai lit sa mada ya wu ai: shaloi Egutu masha langai mi gaw, shi a amyu Hebre masha langai mi hpe adup ajin di ai, mu wu ai. Dai rai nna grup yin mada yu yang, kadai mung n nga ma ai majaw, Egutu masha wa hpe sat kau nhtawm, zaibru hta lup kau wu ai.