Popular Bible Verses from HPAJI NINGLI 5

Share

Na a n-gup hpe shim nga u; Karai Kasang a man e ga tsun na, na a myit masin hkum lawan et; kaning rai nme law, Karai Kasang gaw sumsing lamu e rai nga ai, nang chyawm gaw ga ntsa e rai nga ndai; dai re ai majaw ga law law hkum tsun et.

Karai Kasang karan jaw ai majaw, aja gumhpraw hte sutgan lu ai wa kadai mung, lu lu sha sha rai nna, tinang amu makan a ngamu ngamai ai hta kabu gara nga lu ai rai yang, dai gaw Karai Kasang a kumhpaw kumhpa rai nga ai.

gumhpraw marin ai wa gaw, gumhpraw hte myit dik lu ai n rai; sut su mayu ai wa gaw, sutgan jat timung, myit dik lu ai n rai: dai mung kaman lila rai nga ai.

Karai Kasang a nta de shang yang, na a lagaw hpe hkang nga u: kaning rai nme law, madat mara na matu sit sa ai gaw, angawk ai ni a shagu hkungga hta grau kaja nga ai: shanhte gaw tinang galaw ai mara hpe n dum ma ai.

Nang Karai Kasang hpe dagam hkrup ai rai yang, alawan rap raw u; shi gaw angawk ai ni hta awng nga lu ai n rai: nang dagam da ai hte maren, rap raw u.

Dagam nna rap n raw ai hta, n dagam ai nga na, grau mai nga ai.

Makan galaw ai wa gaw, kaji sha sha lu timung, law law sha lu timung, yup pyaw nga ai: sut su ai wa a sutgan chyawm gaw, shi hpe yup jaren shangun nga ai.

Shing rai sut su ai wa gaw, singgu krin shangai wa ai zawn, singgu krin bai nhtang wa na ra ai rai nna, shi shakut ai amu makan hta na hpa mung shi a lata hta lang wa lu na n rai