Popular Bible Verses from HPAJI NINGLI 12

Share

Yawng mayawng ya shapraw ngut sai; ga kanu gaw da ndai rai nga ai: Karai Kasang hpe hkrit hkungga nna, shi hkang da ai ga hpe madat mara nga u; dai gaw shinggyim masha ni a lam madung rai nga ai.

Kaning rai nme law, Karai Kasang gaw makoi magap da ai amu yawng mayawng hpe, kaja ai rai timung, n kaja ai rai timung, tara tingnyang hta dawdan na ra ai.

Na a brang ram prat e, na a Hpan Wa Ningsang hpe mung adum nga u: “Dai nhtoi ni hpe ngai n ra ni ai,” nga nna myit ru myit ra ai nhtoi ni garai n du ai hte, shaning ni garai n ni wa yang; ajan hte ahtoi, shata hte shagan ni, garai n sin mat nna, sumwi ni marang jahtu ai hpang e garai n mung wa yang, shi hpe dum u

Gumhpraw sumri sumdam garai n dut mat nna, aja gawm garai n grawp mat yang, hka hpawk makau e dibu garai n waw mat nna, hka htung gawng garai n daw mat yang; ga nhpu gaw ga de garai n htang wa ai hte, wenyi gaw, wenyi jaw ya ai Karai Kasang hpang de garai n wa wa gaw, Hpan Wa Ningsang hpe dum nga u law.

Kaman lila, kaman lila, yawng mayawng kaman lila hkrai rai nga ai, nga nna Tara Hkaw Sara nan tsun nga ai.