Popular Bible Verses from TARA JAHPRANG 8

Share

Na a Karai Kasang Yehowa hpe chyu sha dum nga lu na rai ndai: kaning rai nme law, na a nji nwa ni e dagam da ai ga shaka hpe, dai ni rai nga ai hte maren shagrin da na nga, Karai Kasang gaw sutgan lu su chye ai atsam nang hpe jaw nit dai.

Shi nang hpe shagrit nna kawsi jahkrum ai hte, shinggyim masha gaw muk hte sha hkrung nga lu ai n rai, Karai Kasang a n-gup na pru mapru hte hkrung nga lu ai gaw nang chye lu hkra nga, nang mung n mu yu, na nji nwa ni mung n mu yu ai manna hte nang hpe bau nit dai.

Na a Karai Kasang Yehowa nang hpe shagrit chyam yu nna, shi a hkang da ai ga hpe hkan nang mayu ai myit rawng ai n rawng ai chye lu hkra; lai mat wa sai mali shi ning tup woi hkawm ai nam mali lam dingdung hpe dum nga u.

Nye a marai nye a atsam hte ndai sutgan ngai lu nngai, nga nna na a kraw kata e myit kau ai yubak n pru lit ga sadi nga u.

Dai ni ngai nang hpe htawn tsun ai hkang da ai ga, dawdan ai tara hte matsun maroi ga hpe n hkan kau nna, na a Karai Kasang Yehowa hpe malap kau ai kaw n du lit ga, sadi nga u

kawa gaw kasha hpe sharin shaga ai zawn, na a Karai Kasang Yehowa nang hpe sharin la nit dai gaw, na kraw lawang hta matsing gun nga u.

Shing rai nang hkru hkru kat kat sha lu na ra ai rai nna, nang hpe jaw da ai kaja htum ai mungdan a majaw, na a Karai Kasang Yehowa hpe shagrau sha a na rin dai.

Dai re ai majaw, na a Karai Kasang Yehowa hpajang ai lam hkan nang nna shi hpe hkrit hkungga let, shi a hkang da ai ga shatup nga u.

nang hpe shagrit chyam yu nna, hpang jahtum e nang hpe chyeju madun na nga, na a nji nwa ni pyi n chye ai manna hte dai nam mali kata e nang hpe bau maka ai na Karai Kasang Yehowa hpe nang malap kau nhtawm

nang hkru hkru kat kat sha lu let, nta kaja shachyaw rawng nna nga nga yang; na a sagu dumsu mayat maya wa ai hte, na a aja gumhpraw hpring wa nna, nang hta sutgan nlang law htam wa jang, na a myit gumrawng wa nna, Egutu mung mayan tai ai nta na nang hpe shaw woi wa ai wa

Kaning rai nme law, na a Karai Kasang Yehowa gaw, nang hpe dai kaja grau ai mungdan, hkaraw nhkap bum shagawng ntsa hkan nna lwi hkrat ai hka nu hka shi, hka hpawk hka htung hpring ai ga; hkaulan mam, muk-yaw mam, tsabyi ru, maihpang hpun, hkainu si hpun ningru ai ga; tsanlun sau hte lagat jahku ing ai ga; ra ai lam lama mi muk n nga hkra, hkru hkru hpring hpring sha lu ai ga; hpri rawng ai nlung hkrai chyat rai nna, bum kata na magri htu shaw lu ai ga de woi wa nit dai.

Nang hkrung nga nna law htam wa lit ga hte, Yehowa na a nji nwa ni hpe dagam da ai mung de sa nna shang sha lu n ga gaw dai ni ngai nang hpe hkang da ai matsun maroi nlang hte hpe hkan shatsup lu hkra sadi nga u.

Lai mat wa sai mali shi ning ting hta, nang bu hpun ai hpun palawng n je n htum, na a lagaw mung n rawp n bum

wan lapu hte n-gawgawk sawng nna lu na ntsin kata kawsi hpang gara let ai shata, dai hkrithpa mali kaba a ka-ang hku nang hpe woi wa nna, nhpai lungkring hta na ntsin shapraw jaw ai wa