Dai wa gaw daru magam rawng timung, shi a n-gun hte n rai; shi gaw jahten shabyak grai chye wa nna, awng wa ai hte shi a myit hkan na ra ai: hpung shingkang rawng ai ni hte, chyoi pra ai amyu hpe, jahten shabyak kau na ra ai. Shi a hpaji daw ai a marang e, shi a lata hta hkalem hkalau ai lam awng wa na ra ai: shi gaw shi hkum hpe shagrau shatsaw nna, ndum shami e masha law law hpe jahten shabyak kau na ra ai: dai hta n-ga, madu ni a Madu hpe shi hkap daw na ra ai; rai timung, masha lata hte n re ai, shi agrawp kau ai hkrum na ra ai.
