Popular Bible Verses from 2 HKAWHKAM 6

Share

Bai Elisha gaw, “Yehowa e shi mu lu u ga, shi a myi hpaw ya u,” ngu nna hpyi wu ai. Shaloi Yehowa gaw dai shangun ma a myi hpe hpaw ya wu ai rai nna, shi mu wu yang, yu u, Elisha grup yin e, bum ting hta e, wan gumra hte wan leng ni hpring chyat nga ma ai.

Shi gaw, “Hkum hkrit et; anhte hpang maga de nga ai ni gaw, shanhte hpang maga de nga ai ni hta grau law nga ma ai,” ngu wu ai.

Ya Karai Kasang masha a hkringmang wa gaw jahpawt jau jau rawt nna pru wa yang, yu u, gumra hte hpyen leng ni rau luksuk hpung mi gaw dai mare hpe wang tawn nga ma ai rai nna, shi a shangun ma gaw, “Alaw, nye a madu e, an kaning rai na ga ta?” ngu nna tsun wu ai.

Bai Suri masha ni shi kaw yu wa ma yang Elisha gaw Yehowa hpe, “ndai masha ni n mu lu mu ga, shanhte a myi shamak kau ya mu,” ngu nna hpyi wu yang, Yehowa gaw Elisha hpyi ai hte maren, shanhte a myi hpe shamak kau ya mu ai.

Shaloi Karai Kasang a masha wa gaw, “Gara kaw hkrat a ta?” san wu yang, shi hpe hkrat ai shara madun dan wu ai. Shing rai myihtoi wa gaw, hpun dingshan langai mi kahtam la nna, dai shara de kabai bang dat wu yang, dai hpri gaw waw pru wa ai.

Marai langai mi mahtang gaw, hpun kran nga yang, shi a nwa hka de malaw hkrat bang mat lu ai; shing rai shi gaw, “Nye madu e, dai gaw shap la ai nwa re ai law,” ngu wu ai.

Bai myihtoi wa gaw, “Ya sai la u,” ngu nna tsun wu ai hte maren, myihtoi ma gaw shi a lata ladawn nna sai la wu ai.