Popular Bible Verses from 2 HKAWHKAM 4

Share

Elisha gaw, “ngai na a matu hpa galaw na rai ta? tsun rit; na a nta hta hpa nga lit ta?” ngu nna san wu yang, shi gaw, Na a mayam jan gaw, “Namman dibu langai mi hta kaga hpa mung n lu nngai,” ngu nna htan wu ai.

Ya myihtoi ma langai mi a madu jan gaw Elisha hpang de sa nna, Na mayam rai nga ai nye a madu wa si mat sai; na a mayam wa, Yehowa hpe hkrit hkungga nga ai gaw, nang chye nga ndai: ya hka madu gaw sa du nna, ngai sha yan hpe mayam shaya na nga la mayu nga ai, ngu nna tsun jahtau wu ai.

Shaloi Elisha gaw, “Wa su, na a htingbu ni yawng kau na man ai dibu ni shap tawn u: law law wa shap tawn u.

Na nta de du jang, na nsha yan hpe shaga la nna, chyinghka hpe la da nhtawm, ndai dibu mahkra hta namman ru bang nna, hpring ma jang she la tawn da u,” ngu wu ai.

Ya dibu ni hpring ma jang, “Di bu kaga langai mi naw la wa rit,” ngu nna kasha hpe tsun wu yang, shi gaw, “Man ai dibu n nga sai,” ngu wu ai. Shaloi jang namman gaw lwi ai sim mat ai.

Bai shi gaw, dai lam Karai Kasang a masha wa hpe sa tsun wu yang, myihtoi wa gaw, “Dai namman hpe dut nna hka wa u; ngam ai hte gaw nang hte nsha ni a asak bau u,” ngu wu ai.

Shing rai shi gaw myihtoi wa kaw na pru wa nhtawm, kasha yan hpe shaga nna, chyinghka hpe la da yang, shan gaw dai dibu ni hpe shapraw tawn ma ai; shi gaw dai hta ru bang wu ai.

Shing rai shi gaw lung wa nna, n-gup hte n-gup, myi hte myi, lata hte lata hkrum di nna, shi a hkum hpe ma ntsa e dagap nna, ma a hkum shan gaw lum wa ai.