Popular Bible Verses from 2 HKAWHKAM 2

Share

Ya shan lahkawng rap tawng ngut jang, Elia gaw Elisha hpe, “Ngai nang hte garai n hka yang, nang hpe hpa gam jaw na, hpyi rit,” ngu nna tsun wu yang, Elisha gaw, “Na a wenyi htam lahkawng nye a ntsa e anga nga li ga,” ngu nna hpyi wu ai.

Shing rai shan lahkawng, tsun chyai let, naw kawm nga ma yang, yu u, wan re ai leng, wan re ai gumra ni paw pru nna shan lahkwang hpe karan jahka kau nhtawm, Elia gaw bungsha hte sumsing lamu de lung wa ai.

Shaloi Elia gaw, “Yak la ai lam nang hpyi ndai; rai timung, nang kaw na ngai shalun la hkrum ai shaloi e, nang ngai hpe mu yang, byin na ra ai; shing n rai yang, byin na ra ai n rai,” ngu wu ai.

Elia gaw nna hkrat wa ai hpajawng hpe la nhtawm, hka hpe kayat let, shi gaw, “Elia a Karai Kasang Yehowa gaw kanang rai nga a ta?” ngu wu ai: shing rai dai hka hpe kayat yang, hka gaw gade de karan mat wa nna, Elisha gaw rap tawng mat wa ai.

Elisha gaw dai hpe mu nna, “Nye a wa e, nye a wa e, Israela hpyen leng hte de a gumra jawn ai ni re a hka!” nga nna jahtau timung, htawm hpang de shi hpe bai n mu lu nu ai: Elisha mung shi a hpun palawng hpe daw lahkawng di nna, gang je kau wu ai.

Elia gaw shi a hpajawng hpe la katsu nhtawm, hka hpe kayat nna, hka gaw gade de ga karan mat wa ai; shing rai, shan lahkawng gaw hkarang hku ga rap wa ma ai.

Ya Yehowa gaw Elia hpe bungsha hte sumsing lamu de shalun la na mahka e, Elia gaw Elisha hte rau Gilgala mare na pru wa ai.