Popular Bible Verses from 1 SAMUELA 17

Share

Dawi mung, “Nang gaw ri nhtu hte ngai hpang de sa ndai; ngai chyawm gaw, nang roi rip ai, Israela hpyen laba ni a Karai Kasang, Zaw nawng zaw wa up ai Yehowa a mying ningsang hte nang kaw sa ring ngai.

Yehowa gaw, ri nhtu hte sha hkye la lu ai n re ai gaw, ndai shawa masha ni yawng chye lu na mara ai: majan ndai Yehowa gun nga ai rai nna, shi nanhte hpe anhte a lata hta ap kau na ra ai,” ngu nna Hpilisti wa hpe htan wu ai.

Bai Dawi gaw, “Hkanghkyi hte tsap a lata na ngai hpe hkye la ai Yehowa gaw, dai Hpilisti wa a lata na mung hkye la na ra ai,” ngu wu ai. Shawlu mung, “Sa sa, Yehowa nang hte rau nga na ra ai,” ngu nna Dawi hpe tsun wu ai.

Yehowa, dai ni nye a lata hta nang hpe ap nna, nang hpe ngai sat nhtawm, na baw daw la na we ai: shing di, Hpilisti hpyen laba ni a mang hpe, ntsa malen u ni hte nam rai matse ni hpe, dai ni ngai jaw kau na we ai: shaloi, Israela amyu hta Karai Kasang nga nga ai gaw, mungkan ga ting chye lu na mara ai

Shing rai, shi a dawhkrawng lang nna, hkaraw na manen tsawm ai lungdin manga hta la nhtawm, shi hpye ai sagu rem tingsan hta bang gun let, shi a lata hta lakli lang nna, Hpilisti wa hpang de sit sa wa ai.

Dawi chyawm gaw, “Kadai mung dai wa a majaw myit hkum htum et; na a mayam sa nna, dai Hpilisti wa hpe gasat na we ai,” ngu nna Shawlu hpe tsun wu ai.