Popular Bible Verses from 1 HKAWHKAM 3

Share

Dai re ai majaw, kaja ai hte n kaja ai hpe ngai chye ginhka lu nna, dai na a amyu hpe chye jeyang na hpaji byeng-ya rawng ai myit, na a mayam wa hpe jaw ya e law; ndai galu kaba ai na a amyu hpe kadai wa jeyang lu na rai nga a ta?” ngu nna hpyi wu ai.

yu u, nang hpyi ai hte maren ngai jaw sade ai. Ngai nang hpe hpaji byeng-ya rawng ai hte chye chyang ai myit jaw ni ai: nang zawn hpaji rawng ai, na a shawng e kadai n nga, na a hpang e kadai n pra na ra ai.

Shing rai Karai Kasang gaw, “Ndai lam nang hpyi nga ai rai nna, asak galu ai, sut su sut lu ai, na a hpyen ni hpe sat kau lu na lam nang n hpyi ndai, tara dawdan na lam chye ginhka lu hkra hpaji byeng-ya hpyi ndai majaw

Dai hta n-ga, nang n hpyi lawm ai sutgan hte arawng sadang mung, ngai nang hpe kahtap jaw sade ai: nang pra nga ai prat dingsa e, nang hte bung ai hkawhkam langai mi n paw pru na sai.

Na nwa Dawi zawn, nang nye a lam hkan nna, nye a matsun maroi ga hte htet da a ga hkan shatup nga yang gaw, na a aprat hpe mung galu shangun na nngai,” ngu wu ai.

Gibeon shara e Yehowa gaw shana e yup mang hta Shawlumon kaw dan pru ai rai nna, Karai Kasang gaw, “Ngai nang hpe hpa jaw na hpyi e,” ngu wu ai.

Ya chyawm gaw nye a Karai Kasang Yehowa e, nang gaw nye wa Dawi a malai, na a mayam wa hpe hkawhkam shatai ndai: ngai wa gaw ma kaji naw rai nga nna, shang wa na pru wa na lam n chye nngai.

Shawlumon gaw dai lam hpyi wu ai majaw, shi hpyi ai ga gaw Madu a man e mai kaja nga lu ai.

Shawlumon gaw, “na a mayam wa, ngai wa Dawi, tengman ai hku, dinghpring ai hte myit malang ai hku hkan let, na a man e hkawm nga ai hte maren, nang shi hpe chyeju myit kaba madun dan nu ai: shi a tingnyang hta dung nga lu na, dai ni e rai nga ai, shi hpe shadang sha langai mi nang jaw ya ai gaw, shi a matu chyeju kaba ai lam rai nga ai.

Nang lata la nna, n dang hti lu ai hte, law la ai majaw n dang sawn lu ai na a amyu kaba hta, na a mayam wa lawm nga nngai.