Popular Bible Verses from 1 HKAWHKAM 18

Share

nang Yehowa nan, Karai Kasang rai nga ndai gaw, ndai amyu masha ni chye lu nna, nang shanhte a myit masin hpe nhtang kayin shangun ai gaw, dan pru hkra, madat mara ya e, Yehowa e, madat mara ya e law,” ngu nna hpyi wu ai.

Ya shana hkungga jaw ang ai aten e, myihtoi Elia sit sa nna, “Abraham a, Isak a, Israela a Karai Kasang Yehowa e; nang gaw Israela amyu hta Karai Kasang rai nga ai mung, ngai gaw na a shangun ma rai nga nngai mung, ndai ngai galaw ai yawng gaw, na a mungga hte ngai galaw nngai mung, dai ni jang chye lu hkra shapraw dan u

Shaloi Elia gaw mung masha ni mahkra hpang de sit sa nna, “Nanhte gaw lam lahkawng a lapran e gade na hkra hpatwat hkawm nga na myit ta? Yehowa nan Karai Kasang rai nga yang, shi hpe hkan mu; Bala mahtang rai yang, shi hpe hkan mu,” ngu mu ai rai nna, mung masha ni gaw ga hkaw mi muk n htan mu ai.

Shaloi Yehowa a wan di hkrat nna, wan nat hkungga hpe, hpun hpe, nlung ni hte shingbut hpe hkru kau ai hte, hka hkawng na ntsin hpe mung shahkyet kau wu ai.

Mung masha ni dai hpe mu yang, nlang hte gaw myi man gum dagup nna, “Yehowa gaw Karai Kasang rai nga ai; Yehowa gaw Karai Kasang rai nga ai law,” nga ma ai.

Ya sanit lang nu na hta sa yu yang, mayam wa gaw, Yu u, masha lata daram kaji ai sumwi gaw nammukdara na dawng pru nga ai, ngu nna tsun wu ai. Dai rai nna Elia gaw, lung wa nna Ahab hpe, Marang gaw nang hpe n hkap hkum yang gaw, na a leng alawan hkyen tawn nna yu wa su, ngu u, ngu nna htet dat wu ai.

Yehowa a lata gaw Elia hta rai nga nna, shi shingkyit kyit nhtawm, Yezrela mare chyinghka lam de Ahab a shawng e gat du wu ai.

Shaloi Elia gaw Ahab hpe, “lung wa su, lusha nga u; marang kaba zawn wu ngoi nga ai, ngu wu ai.

shi a mayam wa hpe, lung wa su, nammukdara de yu yu e, ngu wu ai hte maren, shi mada yu yang, Hpa mung n nga ai, ngu wu ai. Bai Elia gaw, Shing rai sanit lang du hkra sa yu yu u,” ngu wu ai.

Shaloi Elia gaw mung masha ni mahkra hpe, “Ngai hpang de sit wa marit,” ngu nna tsun mu yang, mung masha ni nlang shi kaw sit sa ma ai. Sharun shabya hkrum ai Yehowa a tawn hkungri hpe mung shi lajang da wu ai.

Shing rai nanhte gaw nanhte a Hpara amying hpe shaga mu; ngai mahtang Yehowa amying hpe shaga na nngai: wan hte htan pru ai wa mahtang, Karai Kasang rai wa u ga,” ngu mu ai. Mung masha ni nlang hte mung, “Dai gaw mai kaja ai ga rai nga ai,” nga nna htan ma ai.

Shing rai “Na a amying hpe Israela ngu na ra ai, nga nna Yehowa a ga pru ang ai hte maren, Elia gaw, Yaku a shadang sha a amyu lakung ni a nambat hkan nna nlung shi lahkawng la wu ai.

Ya jan pungding e rai jang Elia gaw, “Aja awa jahtau yu mu; shi gaw Hpara rai nga ai hka; myit sumru yu nga ai nhten, shing n rai lama ma hkan tam sa ai; lam hkawm nga ai nhten, shing n rai yup pyaw nga nna jasu ra ai,” ngu nna shanhte hpe asawng mu ai.

Yehowa amying gang let shi dai nlung ni hte tawn hkungri galaw nna, dai hkungri grup yin e nli dang lahkawng dang shang ai hka hkawng htu wu ai.