Popular Bible Verses from 1 KORINHTU 14

Share

Karai Kasang gaw kashuk kashak lam a Karai Kasang n re ai sha, ngwipyaw lam a Karai Kasang she rai nga ai. Chyoi pra ai ni a Hpung ni yawng hta e rai nga ai hte maren

Tsawra ai myit hpe hkan tam mu; wenyi kumhpa ni hpe myit marit nga mu: myihtoi chye htoi lu na mahtang grau nna myit marit nga mu.

Myihtoi htoi lu ai wa chyawm gaw masha ni hpe shadaw shangang ai ga, shadum jahprang ai ga, shangwi shapyaw ai ga tsun dan nga ai.

Ga amyu myu chye tsun ai wa gaw, shi hkum dai sha shadaw shangang lu ai; myihtoi chye htoi ai wa chyawm gaw, dai Hpung hpe shadaw shangang lu ai.

Dai hte maren nanhte gaw wenyi kumhpa ni hpe myit marit nga myit dai majaw, dai Hpung hpe shadaw shangang na lam, grau nna hkan tam nga mu.