Popular Bible Verses from Matewuzhu 5

Share

Khina ankhozaaye khantteya khuttha n'yuuku. Entthiiwa vahali wawooneyavo yoori ewaamwasikhele atthu apale aniiyaaye nnyupa Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

Mweeyo mwa nuuru ya olumwenku. Khinvitheya sitati yoojekiwa vamwaako.

Ooparikhiyiwa pi apale ariina rooho yoopakusiwa, maana yo anteela omoona Nluku.

Ooparikhiyiwa pi apale ariina jala na nnyottha la shariya, maana anteela orupala.

Ila miiyo kiniwuuzani yoori, mwiwaaphete maatuwi enu na mwiwaalompele apale anuulupatthanini

“Ooparikhiyiwa pi apale eeyiye asikhini nroho, maana ofwalume wa pinkuuni pi waya.

Ooparikhiyiwa pi apale antisaaye heeri, maana anteela wiitthiwa aana a Nluku.

Ooparikhiyiwa pi apale anlilaaye, maana anteela ozurwiwa.

Ooparikhiyiwa pi apale anlupatthiwaaye mwaasa wa shariya, maana ofwalume wa pinkuuni pi waya.

Ooparikhiyiwa pi apale ariina tthakaraka, maana na yo anteela wooneliwa tthakaraka.

“Ooparikhiyiwa ti mweeyo amana mwittukhaniwaka, olupatthiwa na olupeziwa wakhula nanna ya ohankawaani mwaasa wa miiyo. Mwifurahi na mwitthape, maana tthuvo yenu pinkuuni khuluyeene, maana khwa nanna etthiipo awaalupatthiye manapiyu aviriyeeyo khapula ya mweeyo.

Ooparikhiyiwa pi apale oojipushuwisa, maana yo anteela orithi olumwenku.

“Mweeyo mwa mwiinyu wa voolumwenku. Ila amana olikha onyuunya waya, onrutiseleya toovi? Khuniiyana hatha fwayita, woohiiyi wiitthiwa khusala oluwattheliwa pi atthu.

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

Entosheleza olupa yoori ‘aayo’ amana yiiya ‘aayo’, na ‘wala’ amana yiiya ‘wala’; noozitisa apho enlankha wa sheethwani.

“Mweeyo mwasiila etile elupiwe yoori: ‘Liisho khwa liisho na liino khwa liino.’ Ila miiyo kiniwuuzani yoori, mwihiweezele atthu otakhala rooho. Amana ntthu oopwakula nlaku limote onzukulisele ntthi likina.

Nkhama liisho lawo la nkhono nlume lintta wuukosisa, olazemo weesele oje. Afwataali wuupwetheya phantte yawo moote ya mwiili awo zayita mwiili awo wooshi weeseleliwa motthooni. Nkhama nkhono awo nlume ontta wuukosisa, oshije weesele. Afwataali wuupwetheya phantte yawo moote ya mwiili awo woohiiyi mwiili awo wooshi weeseleliwa motthooni.