Popular Bible Verses from ROMANOS 7

Share

Ashtahuangarin ñuca Taita Diostami, ñucanchi Apunchi Jesucristomandaca pashi nijuni. Shina cashpami ñuca yuyaihuanga, Taita Dios mandashcata servishpa pactachijuni. Ashtahuangarin cuerpohuanga, jucha mandajujtarami rurajuni.

Shinamandami ñuca cuerpopica, ñucallata aliguta ruranaca na tiajta yachani. Shina cajpipash imagutapash aliguta rurana munaica, ñucapica tianmi. Ashtahuangarin chai aliguta ruraitami, na ushani.

Aliguta rurangapaj munashcataca, na ruranichu. Ashtahuangarin imatami na munani, chai nalitarami ruranilla.

Ñuca na munashca nalitara rurashpaca, na ñuca ruranichu. Ashtahuangarin ñucapi tiajuj juchami, chashna nalitara rurachijuchun.

Shinamandami imatapash aliguta rurangapaj ñuca munajushpaca, cai mandashcatara tarini: Nalita rurana munaica, ñucapillata tiajujtami tarini. Ñuca shungupica, Taita Dios mandashcata rurashpami cushijuni.

Ñuca imatami na rurangapaj munani, chaitarami rurani. Shinamandami, mandashca shimicunataca alicachini.