Popular Bible Verses from ROMANOS 14

Share

Taita Dios mandajuj llactaca, na micunamandalla, ufianamandalla canllu. Ashtahuangarin Diospaj jucha illaj Espíritu yarichijpi, imatapash cashcatapacha rurana, casilla aliguta causana, cushijushpa causanami. Cristota chashna servishpa causajca, Taita Diostapash cushichishpami causajun. Runacunapash, paitaca alicachijpimi causan.

Causajushpapash, Apunchi Jesuspajmi causanajunchi. Huañushpapash, Apunchi Jesuspajmi huañushunchi. Shinamandami causajushpapash, huañushpapash, Apunchi Jesuspaj canchi.

Shinamanda cunanga, casilla ali causaiguta charinata, caishuj chaishuj ashtahuan shinlli tucushpa causanata catishunchi.

Shina cashpaca, na ashtahuan caishujmanda chaishujmanda juchachirishpa llaquichirinachu canchi. Ashtahuangarin cambaj huauqui ama nitijachun, na cashpaca ama urmachun ayudanatami yarina canguichi.

Escribishcapica cashnami nijun: “Jatun Dios ñucami, cashna nini: ‘Ñucaca causajunipachami. Tucuicunami, ñuca ñaupajpi cungurinajunga. Tucuicunami ñucataca, Taita Dios cajta paicunapaj shimihuan villanajunga’ ninmi” nijunmi. Shinamandami ñucanchica, tucuicuna imata rurashcata quiquinllata Taita Diosman ricuchigrinata charinchi.

Nara ali yachajuj crijtapash, chasquinami canguichi. Ashtahuangarin imata yarinajushcataca, na tapuchishpa fiñanajunachu canguichi.

¿Canga, pita canguiyari, shujpaj servijta ricushpa llaquichijungapaca? Paipaj amomi, imatalla rurashcata ricushpa mandana cajpipash, mandanata charin. Apunchi Jesusmi, paita shinllichingapaca ushaita charin.