Popular Bible Verses from PROVERBIOS 21

Share

Imatapash cashcatapacha ruranata pitapash llaquishpa causanata na saquishpa catij runaca, causaitapash, imatapash cashcatapacha ruranatapash, alicachi tucunatapashmi japinga.

Imatapash ucha rurajcuna aliguta yarishcahuanga, ashtacatapachami charinga. Ashtahuangarin yapata musparishpa, imatapash ruraj tucui runacunaca, imagupash illajmi tucunga.

Imatapash cacharishcata rimanamanda jalluta jarcarij runaca, paipaj alma llaquipi yaicunatami huacaichijun.

Runaca, tucui causaipi imatalla rurashpapash, aligutallami rurajuni yajunmi. Ashtahuangarin Mandaj Diosmi, shungutaca pezanshna ricujun.

Macanajui punllapaca, caballocunahuanmi ninanda alichirinajun. Ashtahuangarin Mandaj Dios mishachijpillami mishanajun.

Imatapash cashcatapacha rurashpa, aligutapacha ricushpa mandashcami, Mandaj Diospaca animalta carashpa huañuchishcatapash yali ashtahuan aligu ricurin.

Ima yachaipash, ima yuyaipash, ima yuyaita cushcapash, Mandaj Diostaca na mishai ushanllu.

Imagutapash na charij runagu caparishpa mañajpi na uyaj runataca, jipaman pai caparijujpipash, pipash na uyangachu.