Popular Bible Verses from PROVERBIOS 19

Share

Runapaj shungupica, caita chaitami yarijun. Ashtahuangarin Mandaj Dios ali yuyaita cushcami pactanga.

Imagutapash na charij runaguman imagutapash caraj runaca, Mandaj Diosman mañachishcashnami charin. Chashna alita rurashcamandaca, paimambash tigrachingami.

Aliguta yarishpa causaj runaca, ñapash fiñarishpapash jarcarinmi. Fiñachijpipash upalla yalij runami, alicachi tucun.

Rucuyashpapash alipacha yachajushca cangapaca, ali yuyaita cushcatapash uyangui, ali tucuchun rimashcatapash chasquingui.

Mandaj Diosta manllanaca, causaita charingapajmi. Paita manllashpaca, ninanda cushijushpa samashpami causanga. Shina causajujpica, ima llaquipash na japingachu.

Ali yuyaita charij runaca, paipaj almata juyanmi. Ali yuyaita huacaichij runaca, alita taringami.

Cambaj churitaca uchilla cajpillatami, llaquichina cangui. Ashtahuangarin cambaj shungupica, ama huañuchina yuyaihuan llaquichinguichu.

Yangamanda juchachishpa villagrij runaca, llaquichi tucungapachami. Llullacunata parlaj runaca huañungapachami.