Popular Bible Verses from PROVERBIOS 14

Share

Runapaj causaipica, ali ñanshnallami ricurin. Ashtahuangarin tucuripica, huañuiman apaj ñanmi.

Cushilla shunguca, cuerpomambash causaita cunmi. Ashtahuangarin imatapash ñucapaj cashcanman yashpa ricunaca, tullucunata ismuchinshnami.

Na ñapash fiñarij runaca, ali yuyaitapachami charin. Ashtahuangarin shungupi ñapash fiñarij runaca, shinlli shungu cajtami ñapash ricuchijun.

Alipacha yachajushca huarmica, paipaj huasi ucu purataca, aliguta huasichinshnami charin. Ashtahuangarin shinlli shungu huarmica, paipaj maquihuan urmachinshnami charin.

Mandaj Diosta manllajcunaca, paita ninandapacha yariashpami causanajun. Paicunapaj churicunapash, imaguta shuyanatapash charingami.

Mandaj Diosta manllanaca, causaita cuj yacu llujshijunshnami. Shina manllanaca, huañuchij lazucunamanda caruyachingapajmi ali.

Alipacha yachajushca runaca, nalita ruranata manllashpa caruyanmi. Ashtahuangarin juizu illaj runaca, yapata jariyashpami purin.