Popular Bible Verses from PROVERBIOS 1

Share

Alipacha yachajushpa callarinaca, Mandaj Diostami manllashpa causana. Ashtahuangarin juizu illajcunaca, ali yachaita yachachishcatapash yangapimi churan. Ñuca huahualla, ali causachun cambaj taita yachachishcataca, aliguta uyangui. Ali causachun cambaj mama yachachishcatapash, ama yangapi churanguichu.

Imatapash na yachajcunataca, paicunapaj panda causaillatami huañuchinga. Shinlli shungucuna cushijushpa causashcapash, chingaimanmi apanga. Ashtahuangarin ñucata uyashpaca, imatallapash na manllashpami causanga. Ima llaqui japinatapash na manllashpa, aligutami causanga” nishpami villajun.

Alipacha yachajushca runa uyashpaca, ashtahuanmi yachajunga. Shinallata ali yuyaita charij runapash, ali yuyaita cushcataca chasquingami.

Ñuca huahualla, juchata rurajcuna umachingapaj munajpica, ama uyanguichu.

Yarichij cai shimicunataca, Davidpaj churi, israelcunata jatun mandaj Salomón escribishcami. Cai shimicunaca ali yachaitapash, yachachishcatapash yachangapajmi. Aligutapacha yarishpa purina ali yuyaicunata rijsingapajmi. Aligutapacha yarishpa puringapaj, ali yuyaita cushcata chasquingapajmi. Imatapash cashcatapacha ruranata, ali yuyaita charinata, tucuipaj ali cachun ruranata yachachingapajmi. Nara yachajushcacunaman ali yachaita cungapajmi. Shinallata chairalla viñaicunamambash, ali yuyaita, aliguta yarishpa causanata yachachingapajmi.

Chai llaquicuna japijpimi, ñucata cayanajunga. Shina cayanajujpica, ñucapash na tigrachishachu. Ñucataca, tutamandatami mascanajunga. Shina mascashpapash, ñucataca na tarihuangachu. Ali yachaita millanayachishpami, Mandaj Diosta manllanataca na munanajurca.