Popular Bible Verses from NÚMEROS 14

Share

Shinamandami Mandaj Diostaca, na jariyana canguichi. Chai llactapi causajcunatapash, na manllanachu canguichi. Paicunataca, tandata micunshnami tucuchishun. Paicunata ayudajca, pipash illanmi. Ashtahuangarin Mandaj Diosca ñucanchihuanmi. Paicunataca, napacha manllanachu canguichi— ninajurcami.

‘Mandaj Dios ñucaca, na ucha fiñarishpa, ninanda llaquijmi cani. Na cazushpa nalita rurajpipash, chai nalitaca cunganillami. Shina cashpapash ashtahuangarin nalita rurashcamandaca, ima nalita na rurashcatashnaca, na ricushachu. Taitacunapaj juchamandaca, churicunatami quimsa miraicaman, na cashpaca chuscu miraicunacaman llaquichij Dios cani’ nircanguimi.

Mandaj Diosllata ñucanchita alicachishpaca, paillata ñucanchitaca, chai llactaman pushangallami. Lechepash, balun mishquipash, ashtacapacha tiaj llactataca, paimi ñucanchiman caranga.

Ashtahuangarin ñucata servij Caleb shuti runataca, paipaj shungupi shuj ali espirituta charishpa ñucata catingapaj munashcamandami, pai yaicushca llactaman pushasha. Shinamandami paipaj miraicunapash, chai llactataca paicunapaj cachun japinajunga.

Chaimanda paicunataca, cashna ningui: ‘Mandaj Dios ñucaca, causajunipachami ninimi. Ñuca uyajta canguna imata ninajushcashnallatami, cangunahuanga ñucapash rurasha.

Chaipimi Mandaj Diosca, Moisesta cashna nirca: —Cai gentecunaca, ¿ima punllacamanda ñucataca fiñachigrihuanyari? Paicunapaj chaupipi cai tucui rurashcacunata ricuchijujpipash, ¿ima punllacamanda ñucataca na crishpa causanajunyari?

Chaipimi israelcunaca, Moisestapash, Aarondapash fiñashpa rimanajurca. Tucui tandanajushca gentecunami, cashna ninajurca: “¡Egipto llactapillata huañushpachari, ali canchiman carca! ¡Na cashpaca, cai jichushca pambapi huañushpami ali canchiman!

Shinallata Canaán llactata rijsishpa tigramushca puramanda, Nun shuti runapaj churi Josuehuan, Jefone shuti runapaj churi Caleb shuti runahuanga, paicuna churajushcatami liquinajurca. Chai ishcai runacunaca, tandanajushca tucuilla israelcunatami cashna ninajurca: —Ñucanchi risigrishca llactaca, juyailla alipacha llactami.

Ashtahuangarin ñucami, causaj Diospacha cani. Chaimandami ñuca punchapambaguca, tucui cai pachapi jundan. Ñuca punchapambagu cajta, shinallata Egiptopipash, jichushca pambapipash imatalla rurashpa ricuchishcata tucuilla ricushcacunallatami, paicuna munashcata rurachun, ña chungacaman mañahuashca. Chaimandami ñuca rimashcataca, napacha uyanajushca. Paicunaca, paicunapaj ñaupa taitacunaman ñuca carashami nishpa juramentushca llactataca na ricungachu. Ñucata ninanda fiñachijcunaca, napacha shujllapash ricungachu.