Popular Bible Verses from MARCOS 2

Share

Chashna ninajujta Jesús uyashpami, paicunataca cashna nirca: —Nanaita na charijcunaca, jambij runataca na mascanllu. Huañujujcunallami jambijtaca mascan. Imatapash cashcatapacha rurajcunata cayangapaca, na shamurcanichu. Ashtahuangarin juchayu gentecunata cayangapajmi shamurcani— nircami.

Tucui shunguhuan crishpa shamushcata ricushpami, chai na cuyuri ushajuj runagutaca, Jesusca cashna nirca: —Ñuca huahualla, cambaj juchacunaca ñami anchuchi tucushca— nirca.

Cashnatapashmi Jesusca nijurca: —Samana punllataca, gentecuna samachun nishpami, Diosca rurarca. Gentecunataca, samana punllata yariashpa causachunga, na rurarcachu.

Paicunaca, gentecuna ninanda jundashca cajpimi, Jesuspaj ñaupajman apaitaca na usharca. Shinamandami, Jesús yachachijuj huasi jahuata pascashpa, na cuyuri ushajuj chai runataca, mandashpa sirijushca jatanacunandi uraiman uriajuchirca.

Runa Aichayu tucushca ñucaca, juchacunata anchuchingapaj ushaita cai pachapi charijta yachachunmi, (na cuyuri ushajuj chai runataca, cashna nini): —Cunanga candaca cashnami nini, jatari. Can mandashpa sirijushcata apashpa, huasiman rilla ninimi— nircami.

Na cuyuri ushajuj cai runagutaca: ‘Cambaj juchacunaca anchuchishcami’ ¿ninachu ali canga? Na cashpaca: ‘Jatari, can mandashpa sirijushcata apashpa rilla’ ¿ninachu ashtahuan ali canga?

Shina nijpimi chai runaca ñapash jatarishpa, pai mandashpa sirijushcatapash apashpa, tucuicuna ricujta llujshishpa rirca. Shina ricushpami gentecunaca, ninanda manllarirca. Shina manllarishpami, cashna ninajurca: —Chashnataca, ima horallapash na ricushcachu canchi— nishpami, Taita Diostaca punchapambagumi cangui ninajurca.