Popular Bible Verses from LEVÍTICO 19

Share

Canda llaquichijpipash, na chashnallata llaquichinachu cangui. Cambaj llacta puratapash, ama fiñashpalla puringuichu. Ashtahuangarin cambaj cumba runagutaca, imashna can juyarinshnallata juyangui. Ñucami, Mandaj Dios cani.

Pipash huañujpica, cangunapaj cuerpotaca, na chugrichinachu canguichi. Cangunapaj cuerpopica, ima ricuchinatapash na rurachinachu canguichi. Ñucami, Mandaj Dios cani.

“Tandanajushca tucui israelcunaman, cashna nishpa villai: ‘Ñucami, cangunata Mandaj, jucha illaj Taita Dios cani. Shina cashcamanda cangunapash ñucashnallata, jucha illajmi causana canguichi.

Cambaj huauquitaca, ama cambaj shungupilla millanayachishpa puringuichu. Cambaj cumba runagu juchata rurashcapi, cambash paishnalla ama rurangapaca, aliguta yarishpa rimangui.

Yumbucunatapash, yachajcunatapash na cutin mascanachu canguichi. Paicunata imatapash tapushpa, na mapayanachu canguichi. Ñucami, cangunata Mandaj Taita Dios cani.

Cambaj gente purapica, ama huasha parlashpa puringuichu. Cambaj cumba runagutapash, ama huañuchinatalla yariashpa puringuichu. Ñucami, Mandaj Dios cani.