Popular Bible Verses from JOSUÉ 7

Share

Israelcunami juchata rurashca. Paicunaca, ñucahuan ari ninajushcata pactachinajuchun ñuca mandashcatami na cazushca. Ñuca tucuchingapaj shicanyachishcata japishpa shuhuashpami llullashca. Chai apashcataca, paicuna charishcacunahuanmi alichinajushca.

Jatari, israelcunataca Diospajlla cachun rurashpa, cashna ni: ‘Cayapaca, Diospajlla tucuichi. Israelcunata Mandaj Taita Diosmi, cashna nin: Israelcunalla, canguna purapica ñuca tucuchingapaj shicanyachishcami tiajun. Ñuca tucuchingapaj shicanyachishcata cangunapaj chaupimanda na anchuchishpaca, cangunata fiñajcunahuan macanajuitaca, na ushanachu canguichi.

Chaimandami israelcunaca, paicunata fiñajcunahuan macanajuitaca, na ushanga. Ashtahuangarin paicunata fiñajcunata manllashpami tigranajunga. Paicunapash, ñuca tucuchingapajmi shicanyachi tucushca. Shina cashcamanda, ñuca tucuchingapaj shicanyachishcata cangunapaj chaupimanda na anchuchijpica, ñucapash na ashtahuan cangunahuan cashachu.