Popular Bible Verses from JOSUÉ 23

Share

Ricuichi cunanga, cai pachapi tucui causajcuna rina ñanda japishpami, ña huañugrini. Chaimandami, cashna nini: Cangunata Mandaj Taita Diosca, pai imashna aliguta rurasha nishcataca tucuitami pactachishca. Pai imashna nishcata tucuita pactachishcamandaca, tucui shunguhuan, tucui almahuanmi pashi nina canguichi. Tucuitami cangunaman pactachishca, imatallapash na saquishcachu.

Cangunata Mandaj Taita Diosta juyangapajmi, na quillanayachishpa tucui almahuan cazuna canguichi.

Canguna puramandaca, shuj runallami huaranga runacunata catinga. Cangunata Mandaj Taita Diosca, pai villashcashnallata cangunamanda macanajujpimi, chashna ruranguichi.

Ashtahuangarin cunangaman catinajushcashnallata, cangunata Mandaj Taita Diostalla catinguichi.

Moisés mandashcata escribishca libropi tucui tiajujta pactachingapaca, ninanda shinlli tucushpa aliguta yaringuichi. Chai mandashcamandaca, ali ladomambash, lluqui ladomambash ama anchurishpa catinguichi.