Popular Bible Verses from JEREMÍAS 8

Share

Galaad shuti llactapica, ¿nachu bálsamo nishca aceite tian? ¿Nachu maijan jambijllapash tian? ¿Imamandata ñuca llactapi causajcunata jambingapaca, ima jambillapash na tian?

“Cashnatapash ningui: Mandaj Diosca, cashnami nin: ‘Maijambash urmashpaca, ¿nachu cutin jatarin? Ñanda chingachijpash, ¿nachu ñanda mascashpa cutin tigran?

Cig:ueña nishca animalpash, jahua pachata ricushpaca, ima quillapi shuj ladoman rinata yachanmi. Urpipash, grulla nishca animalpash, golondrinapash ima quillapi quiquin llactaman tigranataca yachanmi. Ashtahuangarin ñuca agllashca gentecunaca, Mandaj Dios ñuca aliguta ricushpa mandashcataca, na rijsishpami causanajun.

Ñucaca, tucuitami ali uyajuni. Aliguta rimajca, pipash na tianllu. Nalita rurashcamanda llaquirijpash, shujllapash na tianllu. ¿Imatata rurajuniyari? nishpa tapurijllapash, na tianllu. Tucuicunami, paicunapaj ñandaca, caballopaj shimi huatashcata cacharijpi, macanajuiman calpashpa yaicunshna purinajun.

Ricuichi, alipacha yachajushcacunapash ninanda pingai tucushpa manllarishpami, imatapash na yachajushcashna tucunajun. Mandaj Diospaj Shimita na ricunayachij gentecunacarin, ¿imatata ashtahuan ali yachajushca cangayari?