Popular Bible Verses from JEREMÍAS 6

Share

Mandaj Diosca, cashnatapashmi nirca: “Ñangunapi shayarishpa, cangunallata ali ricuichiyari. Punda ñangunata tapushpa, maijan ali ñan cajpipash, chai ñanda purichiyari. Chai ñanda purishpaca, cangunapaj alma samanatami taringuichi” nircami. Ashtahuangarin cangunaca: “Punda ñandaca, napacha purishunllu” nircanguichimi.

Ñuca agllashcacuna chugrishcataca, yangalla ali parlocunahuanmi: ‘Casilla ali causaimi tian, casilla ali causaimi tian’ nishpa, nanaita jambinajun. Ashtahuangarin casilla ali causaica, na tianllu.

Cai pachapi causajcunapash, uyaichi: Ricuichi, ñucaca ninan llaquitami cai gentecunaman apamugrini. Paicunallata, nalita yarinajushcamandami, chashna llaquichigrini. Ñuca rimashcata na uyashpa, ñuca mandashca shimitapash millanayachishcamandami, chashna llaquichigrini.

“Caita uyachunga, ¿pitata shinlli tacurishpa rimashayari? Ricui, cai gentecunaca, circuncisión nishcata na rurashcacunashna rinri vicharishcashna cashpa, na uyanga. Ricui, can Mandaj Diospaj Shimica, paicunapaca imapash pinganayai shimicunashnami. Chai shimicunataca, paicunaca na juyanllu” nircanimi.