Popular Bible Verses from JEREMÍAS 50

Share

Ashtahuangarin paicunata quishpichij, ninan ushaita charij, tucuita Mandaj Dios shutimi cani. Paicuna llaquichi tucushpa causanajushcamanda quishpichishpa chai llactata samachingapajpash, Babilonia llactapi causajcunata muspachingapajpash shayarishapachami” ninmi.

Ñuca agllashcacunaca, llama chingashcashnami. Paicunataca, michijcunallatami pandachinajurca. Paicunataca, urcucunapimi jichushpa saquirca. Shinamandami, shuj urcumanda caishuj lomaman yalishpa purinajushpallata, paicunapaj corraltapash cungarca.

Shinamandami chai punllacunapi, chai huatacunapica israelcuna jatun nalita rurashcata mascajpipash, na ricuringa. Judá llactapi causajcuna juchata rurashcapash, na tariringachu. Ñucallata saquishcacunapaj juchacunata cungajpimi, chashna canga” ninmi Mandaj Diosca.