Popular Bible Verses from JEREMÍAS 29

Share

Cangunaman ñuca imatalla ruranata yarijushcataca, ñucami yachani. Casilla ali causaita caranatami yarijuni, llaquicunataca na cachashachu. Canguna shuyanajushcatami caragrini” ninmi Mandaj Diosca.

Cangunaca, tucui shunguhuanmi ñucataca mascahuanguichi. Shina mascashpaca taringuichillami” ninmi.

“Shina rurajpimi, ñucata mañanguichi. Ñucapajman shamushpa mañajtaca, ñucapash uyajushami.

Mandaj Diosca, cashnatapashmi nin: “Cangunahuanga, tari tucushcami casha. Prezu apai tucushcacunataca tigrachimushpami, tucui llactacunamanda, maimanlla ñuca llujchishpa cachashca tucui pushtucunamanda tandachimusha. Maimanda ñuca llujchishpa cachashca cashpapash, chai pushtumanllatami tigrachimusha” ninmi Mandaj Diosca.

Mandaj Diosca, cashnatapashmi nin: “Babilonia llactapi canguna causanajushca ña canchis chunga huata pactajpica, cangunataca ricuj shamushami. Chaipica, cangunata cai llactaman tigrachimungapajmi, cangunaman rijchachinshna ñuca alita villashca shimicunataca pactachisha.